Il significât al podarès jessi simil di chel di Fadini (viodi). Se al esisteve il non Bonfadinus, e di chel Fadini, al sarà esistît ancje Bonfadellus, che al à dât Fadelli. In principi si tratave di nons augurâi fondâts su bonum “bon" e fatum “destin, sorte" (tant che in Bonifacio) e il significât al è compagn di chel di Bonaventura. Lis formis aferetichis a àn di vê fat la lôr aparizion avonde adore se in Trentin, za tal secul XIII, a son Iohannes frater fati e Iohannes q. fade. Il cognon Bonfadelli, tant che Bonfadini, si lu cjate te zone di Bressie. La forme Fadèl si le cjate a Purcie e a Pasian di Pordenon; Fadelli a Pasian di Pordenon, Fontanefrede, Prate, Sacîl (ducj i doi in cualchi comun confinant de provincie di Trevîs). Intal Schedari Corgnali: 1323 Fadelli a Glemone; 1328 montis Faedelli a Caneva; secul XIV Fadel de Romans. Tal 1800 i Fadelli presints a Frate (Cjanive) (Luchini, 1997).